വീടിന്റെ ഉമ്മറത്തിരുന്നു മഴ കണ്ടു, വേനല് മഴ. ഇറയത്തു നിന്നും ഊര്ന്നിറങ്ങിയ മഴനൂലുകളെ തൊട്ടു തലോടി, ആ കുളിരിനെ ഹൃദയത്തോളം പടര്ത്തി, പുതു മഴയുടെ പ്രണയം ഏറ്റു വാങ്ങുന്ന മണ്ണിന്റെ ഗന്ധം ആവോളം നുകര്ന്ന്, മിന്നലുകളുടെ വെള്ളി വെളിച്ചത്തില് മുങ്ങി, മേഘങ്ങളുടെഗര്ജനത്തില് ഭയന്ന്...മഴയൊഴിഞ്ഞു പോയിട്ടും കുറെ നേരം കൂടി മരം പെയ്തു, എന്നിട്ടും പെയ്തൊഴിയാന് കൂട്ടാക്കാതെ മനസ്സിപ്പോളും...
